Хичээл тараад гараад ирэх болгонд л тэр ах ирчихсэн байдаг байсан.
Анхандаа ч яахав зүгээр л гэрт хүргэж өгчихөөд явдаг байсан бол сүүлдээ хоолонд оръё, амралтанд цуг явья гэх мэтчилэн ярьдаг болсон Ангийнхнаас минь асууж байгаад утасны минь дугаарыг олж аваад цаг үргэлж ярих болсон. Уулзья, зугаалья, хоолонд оръё гэж шалгаах нь ядаргаатай. Найзууддаа хэлэхээр ах хүн халамжтай. Чамаас ямар юм нэхээд байгаа биш яадаг юм хааяа уулзаж байгаач гэж ятгадаг.
Энэ бол ахимаг эрчүүд өсвөр насны охидыг сонирхож байгаагийн захын жишээнүүд. Сүүлийн үед ардаа амьдралтай тогтсон ажил төрөлтэй, чамлахааргүй ч мөнгө олдог 28-аас дээш насны эрчүүд царай зүс, нуруу туруу сайтай арван жилийн охидыг шохоорхох болсон нь нууц биш. Жаахан охидуудыг чихэр, жимс, мөнгө төгрөгөөр татан урхидан оөрийн болгох гэсэн сонирхолтой тэдэнд хүлээлгэх хариуцлага, авч байгаа арга хэмжээ гэж алга. Хээр талын цэцэг мэт цэвэр ариухан охид маань гэнэн зангаасаа болон хууртагдан ичих нүүргүй тэдний хөлд гишгэгдэн хоцорсоор... Өнөөдөр иЛ далд олон олон охид ийм байдалд орон яахаа мэдэхээ байсаар алдаа хийдэг. Үүнийт уншиж байгаа чамд энэ явдал дэндүү хол, чамайг тойроод өнгөрөх юм шиг санагдаж магад. Гэхдээ тийм биш ээ. Магадгүй чамайг сонингоо уншаад гэрээсээ гаран замаар алхахад чинь хар теньтэй жийп машин даган" машинд суугаач" гэж найрсгаар урьж ч болох. Тэгвэл чи юу хийх вэ? Эелдэгээр инээмсэглэх ахын урилганд уяраад машинд нь орон суух уу? Үгүй шүү хонгор минь ингэвэл чи алдаа хийж байна. Өнөөдөр чи машинд нь орсон бол маргааш даган амралтанд явахад нэг алхам ойртлоо л гэсэн үг. Зоригтой, өөртөө итгэлтэйгээр "үгүй" гэж хэлэх нь шийдвэр гаргах чадварын чинь нэг том үзүүлэлт "үгүй" энэ дөрвөн үсэг хожим чамайг өөрөө өөртөө баярлахад ч хүргэж магад. Ингээд чамд хэрэг болж мэдэх зөвлөмжийг хүргэе.
Ахимаг насны ах нар хоргоогоод байвал яах вэ?
1. Зоригтойгоор "намайг орхи" гэж хэлж сур. Тэднээс айх хэрэггүй. Буруутан нь чи биш
2. Утасныхаа дугаарыг өөрчлөх юм уу эрэгтэй найз, ах зэрэг хүмүүстэйгээ дугаараа хэсэг хугацаанд сольж барь
3. Одоохон энэ байдлаа зогсоохгүй бол эцэг эхдээ хэлнэ гэж хэл. Ингэсэн ч тэд үргэлжлүүлсээр байвал хэн нэгэн тусалж болох хүнд ханд. Цагдаагийн газар ч байсан байсан болно
4. Ийм байдалд орсон тохиолдолд хэзээ ч битгий өөрййгөө буруутган, үз бусдаас нуун байдлыг битгий хурцатга. Энэ нь ямар ч үр дүнд хүргэж магад.
Гишүүд сайтыг ямарч алдаагүй цэвэрхэн үзэх болно Та заавал бүртгүүлээрэй..
-------------- Миний л бодол --------------