Хүмүүсийн дунд этгээд сонин төрхтэй олон хүн байдаг ч бусдаасаа арай
давжаа биетэй одой хүмүүс байдаг. Нас биед хүрсэн хүн 140 см-ээс намхан
бол одой хүнд тооцдог. Давжаа биетэй тэдний дундаас алдар нэртэй болсон
хүн цөөнгүй байгаа. Энэ удаагийн дугаартай хамгийн алдартай одой
хүмүүсийг танилцуулж байна.
Bерне Тройер
Энэ эрхэм Америкийн нэртэй кино жүжигчний нэг болж чаджээ.
Инээдмийн хэд хэдэн кинонд тоглосон түүнийг "Остон Паверс” киноны
Мини-Мигийн дүрээр сайн мэдэх билээ. Верне 1969 оны нэгдүгээр сарын
1-нд төрсөн байна. Тэрбээр одоо 82 см өндөр аж.
Тапа Магар
Хагендра Тапа Магар 1992 оны 10 дугаар сарын 14-нд Балбад
төрсөн байна. Түүнийг тосгоныхон нь бяцхан будда гэж нэрлэдэг бөгөөд
өнгөрсөн онд 18 нас хүрсэн Хагендра Гиннессийн дээд амжилтын номонд
дэлхийн хамгийн жижиг эр гэж нэрээ бичүүлжээ. Тэрбээр одоо 67.08 см
өндөр гэнэ.
Жейсон Акуна
1973 оны тавдугаар сарын 16-нд төрсөн Жэйсон Акуногийн
биеийн өндөр ердөө 123 см аж. Тэрбээр мөн кино урлагт хэд хэдэн дүрээ
мөнхөлсөн байна. Бие жижиг ч гэлээ Жэйсон скэйтбоардын мэргэжлийн
тамирчин юм.
Тони Кокс
1958 оны гуравдугаар сарын 31-нд төрсөн Тони Коксын биеийн
өндөр 107 см юм. Тэрбээр кино урлагт багагүй амжилт олсноос гадна
продюсероор ажилладаг. Тони Кокс "Бургас”, "Оддын дайн: Жедай эргэн
ирсэн нь”, "Муу Санта” зэрэг багагүй олон кинонд тогложээ.
Хо Пинпин
Хятадын одой эр Хо Пинпин 1988 оны долдугаар сарын 13-нд
төржээ. Харамсалтай нь тэрбээр 2010 оны гуравдугаар сарын 31-нд буюу 21
насандаа өөд болжээ. Хо Пинпин нь 74 см өндөр байсан бөгөөд Гиннессийн
дээд амжилтын номон мөн нэрээ бичүүлж байжээ. Түүний хоёр эгч бие өндөр
жирийн өсөлттэй аж. Энэ зураг дээр Пинпин дэлхийн хамгийн өндөр эр
Султан Косенатай /2м 47 см/ гар барьж байгаа нь.
Кларенсе Честерфельд Ховертон
"Бяцхан захирагч” хочтой Кларенсе 1913 оны хоёрдугаар сарын
9-нд Америкийн Орегон муж улсад төржээ. Тэрбээр ердөө 66 см өндөр
байжээ.
Петер Динклейж
Америкийн кино жүжигчин Динклейж 1989 оны зургадугаар сарын
11-нд төржээ. Тэрбээр 135 см өндөр бөгөөд хэдий намхан ч гэлээ кино
урлагт багагүй амжилт гарган хэд хэдэн шагналд нэр дэвшиж байжээ.
Эдвард Хернандез Нино
Колумби гаралтай Хернандез 70 см өндөр, 10 кг жинтэй аж.
Тэрбээр 2010 оны есдүгээр сарын 7-нд дэлхийн хамгийн жижиг эр болж,
Гиннессийн амжилтад нэрээ бүртгүүлжээ.
Варвик Дэвис
Тэрбээр "Харри Поттер: Муу ёрын сүнс” киноны нээлтийн
ажиллагааны үеэр улаан хивсний ёслолд оролцжээ. Дэвис энэ кинонд туслах
дүр бүтээсэн байна.
Дэнни ДеВито
Холливудад хамгийн нэр хүндтэй жүжигчний нэг бол Дэнни
ДеВито. Тэрбээр 152 см өндөр бөгөөд түүний биеийн хэмжээ одой хүнд
тооцогдохгүй ч ихэнх хүн түүнийг одой гэж боддог байна. Намхан нуруутай
ч бэлчээр томтой гэдэг шиг одоо 66 настай ДеВито аль хэдийнэ 169 кинонд
тоглосон байна.
С.Отгонбаяр
-------------- Миний л бодол --------------