Өсвөр насны залуусын хүсэн хүлээдэг баяр нь яахын аргагүй арван жилийн төгсөлт. Төгсөлтийн үдэшлэгийг ихэнх залуус бэлгийн амьдрал эхлэх хамгийн таалмжтай мөч гэж үзэх нь бий. – Зарим оронд хонхны баярын үдэшлэгийн дараа бага насныхны жирэмслэлтийн оргил үе болдог нь судалгаагаар тогтоогджээ. – Төлөвшиж гүйцээгүй залуус том хүний амьдралд орох эхлэлийг яагаад ч юм секстэй холбон үздэг. – Сургууль төгсөхөөс өмнө хувийн дотно харьцаанд орж амжаагүй хэсэг чухам хонхны баярын дараа ийм оролдлого хийх шаардлагатай, гарцаагүй байх ёстой зүйл гэсэн итгэл үнэмшилтэй явдаг. Дурсах юмтай ч болно. Гэвч харамсалтай нь залуус ийм арга хэмжээнд явахад хэрхэн биеэ бэлтгэх, хамгаалалт /бэлгэвч/ хэрэглэх талаар дийлэнх нь санаа тавьдаггүй. Залуусын тухай Америкийн зарим чанар муутай кино ч хийсвэр, өнгөц ойлголт төрүүлэхэд нөлөөлдөг.